{source}
<!– You can place html anywhere within the source tags –>
<iframe width=”100%” height=”166″ scrolling=”no” frameborder=”no” src=”https://w.soundcloud.com/player/?url=https%3A//api.soundcloud.com/tracks/314755361&color=ff5500&auto_play=false&hide_related=false&show_comments=true&show_user=true&show_reposts=false”></iframe>
<script language=”javascript” type=”text/javascript”>
// You can place JavaScript like this
</script>
<?php// You can place PHP like this
?>
{/source}
Chłopym nie worce być, dyć nimożieś zostać zakónnicóm, aji ku heklowaniu chłopów nie pytajóm, chyba, żie się rozchodzi ło prziimiarkym ku stringóm. Ku piećiyniu godnich ćiastećiek cie nie chcóm, aji przi wałkowaniu włosów żiech źiodnego chłopa jeście nie widzioł. Tkani na krosnach, piećiyni poleśników na blaśi, ći aji proste wyśiwani znaćków ku kośiuli – to je babsko wiec. Chłopi tam nie chodzóm za perfónami do Jabłonkowa, im starći dym łod wyndzoka i uź myślóm, żie śiumnie wóniajóm. Przi zabawie na sałaśiu, chłopi musióm nejgorsi tańce wywijać, dyć żiodno baba nie hyci sie zbójnickigo, ći krzesanego, aji madziarskigo wina musiś wdycki wypić nejwiyncel, coby nie rzóndzili żieś mamlas – a potym jako na drugi dziyń boli głowa ! … Mało je chłopskich ruź ruźiańcowych, tu baby sóm kupa lepsi, aji jak trzeja chłapca urodzić, tóż do porodówki posyłajóm przewaźnie babym. Baby wijóm piekne wiesielowe wińce ku wywodu, rychtujóm gryfne połaźnićki, nejśiumnij rzykajóm w kościele, aji w dóma rano wdycki na głos spywajóm godzinki, tak yny źni. Chłopi zaś muśióm kłócić pulyntym, śtuchać zgnićioki w waśkuchni, parzić plewy, krójrźiać kwaki … Móg bych tego wiyncel łopisać, ale myślim, źie isto starći, dyć wśiecy widzóm, iżie baby majóm wiynksi wśiyndy moźliwości i sóm kupa móndrzyjśi …
Ślabikorz trudniyjśich słów
- Heklowani – szydełkowanie
- Godni ćiastećka – ciasteczka świąteczne
- Poleśniki – placki na blasze
- Znaćiek ku kośiuli – wyszywany znak magiczny na koszuli góralskiej
- Perfón – perfum
- Wiec – rzecz, sprawa
- Wyndzok – wędzarnia
- Mamlas – oferma
- Gryfny – tu: piękny
- Połaźnićka – ustrojona gałązka jodłowa towarzysząca kolędnikom bożonarodzeniowym
- Rzykać – modlić się
- Wdycki – zawsze
- Źni – głośny dźwięk
- Pulynta – gotowana papka z kaszy
- Śtuchać zgnićioki – tłuc nadgniłe ziemniaki
- Waśkuchnia – kuchnia gospodarcza w piwnicy
- Krójrziać kwaki – trzeć brukiew
Za tydzień w Radiu Istebna, w poniedziałkowym „Kalejdoskopie” po godz. 20.00, dalszy ciąg gazdowskich dumań, tym razem – Ći worce być kocurym?
Zachęcamy wszystkich do włączenia się w dyskusję i nadsyłania na adres radioistebna@gmail.com swoich przemyśleń na temat „Ćim worce być?” – w naszej pięknej gwarze istebniańskiej lub w niemniej cudownym polskim języku literackim. Najlepsze rozważania zostaną opublikowane na stronie internetowej RI.
Z gazdowskim pozdrowiynim – Andrzej Suszka
Zdjęcie udostępnione ze strony nac.gov.pl/
