{source}
<!– You can place html anywhere within the source tags –>
<iframe width=”100%” height=”166″ scrolling=”no” frameborder=”no” src=”https://w.soundcloud.com/player/?url=https%3A//api.soundcloud.com/tracks/315940377&color=ff5500&auto_play=false&hide_related=false&show_comments=true&show_user=true&show_reposts=false”></iframe>
<script language=”javascript” type=”text/javascript”>
// You can place JavaScript like this
</script>
<?php// You can place PHP like this
?>
{/source}
Kocurym worce być – dyć na gazdówce wsiyndy pełno myśi a śćiurów, w sómsiekach tak yny śtabarcuje, rómpluje a trześći. W sypaniach, sóndkach, śpajskach, kumorach ći starych gielatach kany gazda trzimióm śpyrkym, suśióne jabka i śliwki, ći aji łobiyli – same dziury – tak róntujóm ty sakramyncki pśiekrwie – tóź jedzynio ci nie chybi. Łoto aji przi zabijaćce wdycki cosi sie porwie – na tyn przikład, krew mozieś wylizac ze ziymie, a jak moś ściynści, tóź aji byći wajco, ći krowi łoko porwieś. Matulka gaździna nigdy teź nie zabedóm rano naloć do halbije cieplućkigo mlyćka łod krasule. Ptośka sie teź łod ćiasu do ćiasu łobśteluje, dyć trzeja zmiyniać dietym, a dzićizna je nejsmaćniyjśio. Możieś łoto śnupać w polu za kretami, a jak źieś je kapkym lepij zaśćipióny, tóź aji moźieś pobić sie lecykiedy z łaskóm na poddaśiu. Jak uź moś wśieckigo dość, tóź worce pobawić się z dzieckami w zogrodzie, a nejbarzij kocury rade legnóć se wtedy na nolypie w ćiornej izbie i łobziyrać jako gaździna pod łoknym przyndóm wełnym na kolewrotku, a w drugim kóńcu izby – przi piecu – gazda struźióm ścieble na strugacej stolicy. Jedyno utropa kocura tóź jak majóm przi chlywie prziwiónzanego łostrego psa. Dyć ta bezkurcyja dostowo nojlepsi wdycki źrani, a w nocy tóź ćiasym tak dodziywo, źie wsiecki myśi siedzóm przestraśióne kasi w nejgłymbsich dziurach, a ło spaniu w sómsieku tóź zapómnij … Nejgorsi jak się to psi howado spuści z rzetozki, tóż z takim pyskym poroz prościućko góni, nie za kurami ći łowcami, ale za kocurym. Tóź trzeja mieć głowym na karku i łobrane dobre miyjsce na jabłónce, coby się nie dać tyj ćiyńśkij antleryji chycić … Nale tak poza tym źici kocura je swobodne a spokojne, kocury nimajóm nijakij starości… Łoto jyny tak barźij ku marcu sóm jakiśi taki ześiotane, nerwowe … ale wystarći porym wypadów w teryn … i uź zaś wśiecko je jako wdycki. Bez nerwów i bez utropy z małymi koćiackami …
Ślabikorz trudniyjśich słów
- Sómsiek – pomieszczenie na siano lub słomę
- Śtabarcować – hałasować metalicznie
- Rómplować – synonim śtabarcować, lecz niekoniecznie hałas metaliczny
- Sypania- skrzynia na zboże
- Sóndek – drewniane duże naczynie na zasoloną słoninę
- Śpajska – spiżarnia
- Kumora – komora, pomieszczenie gospodarcze
- Gielata – drewniane naczynie na mleko owcze
- Łobiyli – zboże
- Róntować – hałasować, rozrabiać
- Wdycki – zawsze
- Zabyć – zapomnieć
- Halbija – miska na karmę
- Śnupać – szukać, węszyć
- Zaśćipióny – podchmielony
- Nolypa – część murowana dawnego pieca służąca do spania
- Strugaco stolica – drewniany przyrząd do umocowania struganych elementów drewnianych
- Bezkurcyja – żartobliwy epitet
- Ćiyńśko antleryja – (ciężka artyleria) – epitet oznaczający gamonia
- Ześiotany – nerwowy, speszony
Za tydzień w Radiu Istebna, w poniedziałkowym „Kalejdoskopie” po godz. 20.00, dalszy ciąg gazdowskich dumań, tym razem – Ći worce być zbójnikym?
Zachęcamy wszystkich do włączenia się w dyskusję i nadsyłania na adres radioistebna@gmail.com swoich przemyśleń na temat „Ćim worce być?” – w naszej pięknej gwarze istebniańskiej lub w niemniej cudownym polskim języku literackim. Najlepsze rozważania zostaną opublikowane na stronie internetowej RI.
Z gazdowskim pozdrowiynim – Andrzej Suszka
