Ćim worce być ? … gazdowski dumania

{source}
<!– You can place html anywhere within the source tags –>
<iframe width=”100%” height=”166″ scrolling=”no” frameborder=”no” src=”https://w.soundcloud.com/player/?url=https%3A//api.soundcloud.com/tracks/317039465&amp;color=ff5500&amp;auto_play=false&amp;hide_related=false&amp;show_comments=true&amp;show_user=true&amp;show_reposts=false”></iframe>

<script language=”javascript” type=”text/javascript”>
// You can place JavaScript like this

</script>
<?php
// You can place PHP like this

?>
{/source}

Zbójnikym nie worce być, dyć ni moźieś zostać gminnym urzyndnikym, aji do wyborów na sołtysa zbójników nie pytajóm, chyba, źie się rozchodzi ło Źiwiecki Gody. Ku głosowaniu w Radzie Sołeckij cie nie chcóm, aji przi mianowaniu nowego Kómyndanta Policyje źiech nigdy źiodnego zbójnika nie widzioł. Kasowani biletów w autobusach, instalowani legalnych gier w kómputerze, chybani grajcarów do kośićka na mśi świyntej – to ni ma zbójecko wiec. Przi wiyśianiu zdrajców na hoku, łómaniu kości pyrlikym, łoprawianiu ze skury, zbójnicy sóm wdycki brani jako piyrsi. Mało je zbójników co chodzóm do spowiedzi i źiałujóm za grzychy, a do przedśkola nie widziołech źiodnego harnasia coby łodkludzoł dzieciacko… Móg bych tego wiyncel łopisać, ale myślim, źie isto starći, dyć wśiecy widzóm, iźie zbójnicy ni majóm w Ełuropie źiodnej prziśłości, ani perspektyf rozwoju swoich band (dy dopłaty do band sóm taki śmiyśne) i sóm łokropnie prześladowani przez tyn cały unijny recht …

Jedyny łosóg z bycia zbójnikym tóź to, źie pobudowali wśiyndy kupa śiumnych karćmów zbójnickich – łoto na Andziołówce jedna, na Wisłach porym, kupa w Śćirku i dalij na Podholu, a ani jech widzioł jednóm na dołach, kole Skierniewic, jak my jechali do Warśiawy na manifestacyjym coby nie likwidowali Janosikowego – tóź zbójnicy we wśieckich tych karćmach majóm wysoki rabat, a jak borgujóm palynkym to yny na słowo hónoru. Co prowda nejśiumnijśio zbójnicko karćma – „Jama Zbójnicko” w Kóniokowie je uź zawrzyto, bo były tam niezgłośióne w Gminie bitki śwarnych chłapców, a kiedy przi jednej bijatyce połómali wśiecki stoły, tóź haryndator uznoł, iźie sie lepij przeniyść w barźij wahowane przez hajduków stróny, kole jakigosi zamku.

Jesi tak ciyńśko być zbójnikym, tóź ćiymu wśiecy co śwarniyjsi chłapcy sie cisnóm poza bućki ? Łodpowiydź je prosto jako śmiga – hyr i frajerki. Hyr zbójnicki nigdy nie ginie, a dyć się eśćie z ćiasym wzmago. Co powiy harnaś to je świynte. Łoto taki – Janosikowe prawo, łobowiónzuje w Polsce do dzisio. Bogate miasta i zamki muśióm fórt płacić zbójnicki śtrof mniyjsim gminóm i wioskóm. Jesi chodzi ło frajerki, tóź zbójnik mo ich na kaźdym hałdamaśiu ći festynie wiela chce, yny musi umieć sie ło nie bić hónorowo, do krwie łostatnij, i jak bitkym wygro, tóź tóm nejśiumniyjśióm un biere – źie pyśćiacko mo spuchnióne i śiniutki, to nima źiodno prześkoda, – yny, żie po hałdamaśiu takóm frajerkym musi mieć ćim łopłacić w śinkwasie … I łodwiyźć, nejlepij kóniym, ku chałpie …

Ślabikorz trudniyjśich słów:

• Pyrlik – młot
• Recht – prawo
• Łosóg – korzyść, zysk
• Borgować – brać na kredyt
• Palynka – gorzałka
• Haryndator – arendarz, dzierżawca
• Wahowany – pilnowany
• Ciść się poza bućki – zbójować
• Śmiga – przyrząd do mierzenia kątów
• Hyr – duma, sława
• Frajerka – galanka, dziewczyna
• Śtrof – haracz, opłata karna
• Hałdamaś – zabawa po zakończeniu prac lub po ubiciu dużego targu

Zachęcamy wszystkich do włączenia się w dyskusję i nadsyłania na adres radioistebna@gmail.com swoich przemyśleń na temat „Ćim worce być?” – w naszej pięknej gwarze istebniańskiej lub w niemniej cudownym polskim języku literackim.  Najlepsze rozważania zostaną opublikowane na stronie internetowej RI. 

Z gazdowskim pozdrowiynim – Ondrzej Suśka z łOgrodu